Борозан, Гуглета и Цвијиќ меѓу најдобрите во ЛШ ова коло

09.10.2017 | 11:45
Прочитано: 472

Иако викендов резултираше со две ремија и само една победа за македонските екипи во Лигата на шампионите, сепак и Вардар и Металург и ЖРК Вардар имаа свои претставници меѓу најдобрите.

Вуко Борозан е најдобар лев бек, а Александар Гуглета е прво десно крило ова коло. Борозан со осум гола беше најефикасен на гостувањето кај Пик Сегед и беше еден од двигателите на Вардар во ремито 26-26.

Гуглета, пак, имаше шест од шест во првиот дел, а на крај заврши со седум гола во возбудливото патување на Металург кај Мотор, кое резултираше со 28-28. Најдобриот тим на колото го комплетираа Толбринг од Рајн-Некар, Часар од Кадетен, Млакар од Целје, Сипжак од Барселона и голманот Пешиќ од Мешков.

Во женска конкуренција, Драгана Цвијиќ уште во првиот настап за Вардар во Лигата на шампионите остави впечаток. Постигна седум гола во победата над Ференцварош со 34-31 и затоа беше избрана како една од трите ѕвезди на колото.

Место меѓу најдобрите доби и Ина Суслина, како петта меѓу петте најатрактивни одбрани.


Владко Арсов
The content of this field is kept private and will not be shown publicly.
Image CAPTCHA
Enter the characters shown in the image.