Две лица загинаа во Сингапур при судир на два брода

13.09.2017 | 15:34
Прочитано: 616

Две лица загинаа, а три се водат како исчезнати, во судир на два брода во водите на Сингапур, соопштија локалните власти.

Во судирот учествувале еден индонезиски танкер и брод-багер, регистриран во Доминиканската Република.

Доминиканскиот брод, на кој имало екипаж од 12 члена, по инцидентот потонал. Седуммина од екипажот, составен од 11 Кинези и еден Малезиец, биле спасени и пренесени в болница.

На танкерот, каде се наоѓале 26 морнари, никој не настрадал, а бродот е оштетен само од страната каде се удрил со бродот-багер.

Овој најнов тежок инцидент во преполнетото сингапурско пристаниште, се случи помалку од еден месец по судирот на американски воен брод и танкер. Тогаш загинаа десетмина американски морнари.


The content of this field is kept private and will not be shown publicly.
Image CAPTCHA
Enter the characters shown in the image.