ЕКСКЛУЗИВНО: Анѓушев го продаде ЕДС на Грчкото електростопанство

11.01.2018 | 14:02
Прочитано: 11855

Грчката национална компанија за производство на електрична енергија ППЦ (Паблик Пауер Корпорејшн) потпиша писмо на намери за купување на групацијата ЕДС во сопственост на вицепремиерот Кочо Анѓушев, дознава телевизија 24. Во пакет ЕДС ги продава и сите подружници во Југоисточна Европа. ЕДС е една од водечките македонски компании за трговија со електрична енергија.

Се уште не е јасно за која сума е продадена компанија, но дознаваме дека преносот на удели ќе се изведе согласно законите во РМ, со претходно обезбедено мислење на Комисијата за заштита на конкуренцијата.

ППЦ е една од најголемите компании во Југоисточна Европа со годишни приходи од над 5 милијарди евра. ППЦ е во мнозинска сопственост на грчката влада.

Анѓушев најави дека ќе ја продаде ЕДС во октомври минатата година, за во иднина, како вицепремиер, да избегнува судир на интереси во работењето на компанијата.


Ружица Фотиновска
The content of this field is kept private and will not be shown publicly.
Image CAPTCHA
Enter the characters shown in the image.