Македонија сместена во Д-групата во Лигата на нации

11.10.2017 | 13:37
Прочитано: 5419

Како што се очекуваше, фудбалската репрезентација на Македонија се најде во четвртата по ранг група од новото натпреварување на УЕФА, Лигата на нациите кое ќе стартува во септември 2018 година.

Покрај Македонија во оваа група се и репрезентациите на : Азербејџан, Белорусија, Грузија, Ерменија, Летонија, Фарските Острови, Луксембург, Казахстан, Молдавија, Лихтенштајн, Малта, Андора, Косово, Сан Марино и Гибралтар.

Во елитната А-група се најдобрите европски селекции: Германија, Португалија, Белгија, Шпанија, Франција, Англија, Швајцарија, Италија, Полска, Исланд, Хрватска и Холандија.

Втората по квалитет група (Б-група) се состои од 12 учесници: Австрија, Велс, Русија, Словачка, Шведска, Украина, Ирска, Босна и Херцеговина, Северна Ирска, Данска, Чешка и Турција.

Третата група (Ц-група) ја сочинуваат: Србија, Унгарија, Романија, Шкотска, Словенија, Грција, Албанија, Норвешка, Црна Гора, Израел, Бугарија, Финска, Кипар, Естонија и Литванија.

Во новото натпреварување ќе учествуваат 55 национални тимови. Во секоја група ќе има по четири подгрупи. Најдобрите од подгрупите одат ранг погоре, а најслабо пласираните се селат во група со послаб ранг.

Четирите најдобро пласирани екипи од секоја група кои не се квалификувале на ЕП 2020 ќе играат бараж, а победникот ќе обезбеди место на континенталното натпреварување.


The content of this field is kept private and will not be shown publicly.
Image CAPTCHA
Enter the characters shown in the image.