Насер Ориќ ослободен од обвинувањата за воени злосторства

09.10.2017 | 12:55
Прочитано: 1071

Суд во Босна и Херцеговина денеска го ослободи воениот командант на босанската Армија, Насер Ориќ од обвинувањата за злосторства врз затвореници од српска националност на подрачјето на Братунац и Сребреница.

Босанското Јавно обвинителство покрена обвинение против Насер Ориќ и припадникот на Армијата на БиХ, Сабахудин Мухиќ на 27 август 2015 година.

Според обвинението, Ориќ и Мухиќ беа осомничени дека во 1992 година убиле тројца затвореници од српска националност во местата Залазје,  Лолиќи и Куњерац.

Насер Ориќ беше уапсен на 10 јуни 2015 година на границата меѓу Франција и Швајцарија по барање на Србија, која распиша потерница протв него во 2014 година.

Неколку дена по апсењето, Србија поднесе барање за екстрадиција од Швајцарија. Меѓутоа, такво барање поднесе и Обвинителството на БиХ, кое тврдеше дека против него води истрага седум години. Ориќ е испорачан во БиХ.

Хашкиот трибунал во 2006 година го осуди Ориќ на две години затвор за злосторства извршени на подрачјето на Сребреница и околните села од декември 1992 до март 1993 година. Меѓутоа, во 2008 година Апелацискиот совет на Трибуналот ја поништи пресудата со образложение дека Судот „ги немал сите неопхосни докази“ за осудување на Ориќ по командна одгооврност.


The content of this field is kept private and will not be shown publicly.
Image CAPTCHA
Enter the characters shown in the image.