Основан Институт на сметководители

10.11.2012 | 12:58
Прочитано: 2597
Сметководителите во иднина ќе ја организираат својата работа преку Институт. Преку тоа тело ќе се спроведуваат обуки и испити, ќе се издаваат уверенија и лиценци и ќе се контролира нивната работа.
 
Вицепремиерот и министер за финансии Зоран Ставрески денеска додели уверенија за сметководители и ги најави идните активности на институтот на сметководители и овластени сметководители по одржувањето на неговото основачко собрание.
 
Со основањето на Институтот престануваат законските обврски на Министерството за финансии поврзани со професионалното организирање и дејствување на сметководителите.
 
- Отсега натаму пред вас сметководителите и овластените сметководители престојат сериозни и обемни обврски - регистрирање на Институтот, избор на Управен одбор и комисии, формирање на подружници, воведување регистри, спроведување обуки и испити, издавање уверенија и лиценци, спроведување на контроли и сл., рече на свеченоста во Владата вицепремиерот Ставрески.
 
Тој ги повика сметководителите активно да се вклучат во работата на Институтот и да придонесат за негово успешно работење и етаблирање во препознатливо професионално здружение.
 
Министерството за финансии, како што рече, останува отворено за натамошна соработка со цел воспоставување стручно, транспарентно, професионално и одговорно водење на сметководството.
 
Ставрески информира дека до 6-ти овој месец до Министерството за финансии се поднесени вкупно 2.142 барања за уверенија. Заклучно со денеска Министерството издало 645 уверенија, а се обработени и дополнителни 417 барања за кои се подготвуваат уверенија и во наредните денови ќе бидат доставени до барателите. Тие бројки, според Ставрески, се показател оти интересот за добивање уверенија се зголемува со што се засилува и динамиката за нивно издавање.
 
На основачкото собрание на Институтот се донесени одлука за основање и статут и се избрани претседател и членови на Надзорниот одбор. Сите одлуки на основачкото собрание биле донесени со акламација.
 
- Со тоа се потврди дека професионалното здружување и организирање на сметководителите е нивна потреба и интерес, оцени вицепремиерот Зоран Ставрески.

Коментари (3)

Natasa Cvetkoska

Bi sakala da postavam prasanje so cel da dobijam odgovor vo vrska so toa sto imam uverenie vremeno za ovlasten smetkovoditel i sum od Prilep , a momentalno nevrabotena pri vrabotuvanje vo firma kako smetkovoditel dali treba da se registriram vo Institutot za smetkovodstvo i bidejki sum od Prilep kade treba da se obratam.

Анонимен

Ovoj institute ke bide monopolizacija na poedinci ( pa makar i 100 lugje) na celata profesija, slicno kako i drugi profesii. So pocit kon isklucoci, vo nedefinirani zakonski uslovi, smetkovodstvoto kako profesija e vo hronicen haos, so zakoni koi se vo megjusebna sprotivnost. voedno i instituciite "tolkuvaci" kako i drugi profesii i instituti se kadrovski nedovolno ekipirani i kvalifikuvani , koi poteknuvaat od bivsiot sistem so bivsi socijalisticki poznavanja i diplomi , slicno kako i vo smetkovodstvoto, socijalisticki diplomi vo nekoe drugo opstestvo. Plus faktot sto vo zakonot stoi deka site onie koi rabotele vo bivsi socijalisticki institucii odreden vremenski period, avtomatski dobivaat diploma za ovlasten smetkovoditel. Drugite ke treba da polagaat pred institutot, a clenovite na institututot ednostavno se sobrale , si podelile diplomi , sega ke ocenuvaat dali nekoi drugi smeat ili ne da imaat diplomi, so 100 razni administrativni prepreki. Slicno e i vo drugi profesii. Ednostavno monopolizacija na sostojbata, status quo i ceka nje celi generacii navodno experti, da zadrzat funkcija do penzija.

Анонимен

a kako da se zastiti profesij?? POtrebno e da se znae koj moze a koj ne moze da raboti smetkovodsto
Za polagawe treba da se vovede red

The content of this field is kept private and will not be shown publicly.
Image CAPTCHA
Enter the characters shown in the image.