Почина данскиот принц Хенрик, сопругот на кралицата Маргарета Втора

14.02.2018 | 22:34
Прочитано: 1411

Данскиот принц Хенрик, сопруг на кралицата Маргарета Втора, почина вчера на 83 години во замокот Фреденсборг, северно од Копенхаген. Кралицата и нивните синови биле со принцот во моментот на неговата смрт. Хенрик, по сопствена желба, бил пренесен од болница во замокот за таму да ги мине своите последни денови.

Принцот бил хоспитализиран на крајот од минатиот месец поради инфекција на белите дробови, а во 2017 година му била дијагностицирана деменција. Принцот Хенрик е роден во Франција во 1934 година и се оженил со тогашната принцеза Маргарета во 1967 година.

Маргарета станала кралица во 1972 година, а принцот Хенрик не го криел своето незадоволство поради тоа што не бил именуван за крал. Тој беше познат по својата љубов кон храната, виното и поезијата. Во 2016 објави дека се пензионира и оттогаш честопати минуваше време во своето лозје во Франција.

Минатата година официјални лица изјавија дека принцот не сакал да биде погребан заедно со кралицата поради долгогодишното незадоволство што не бил прогласен за крал. Притоа беше потенцирано дека Маргарета ја прифатила неговата одлука, со што се става крај на традиција долга 459 години.


The content of this field is kept private and will not be shown publicly.
Image CAPTCHA
Enter the characters shown in the image.