Романка се породи во противпожарно возило заглавена во снег

21.04.2017 | 12:07
Прочитано: 469

Бремена Романка утрово се породи во возило на локалната противпожарна служба, откако останала блокирана на патот поради снежните врнежи што го зафатија североисточниот дел на Романија.

Потпаролката за Службата на вонредни состојби од романскиот град Јаши, Силвија Болохан соопшти дека при породувањето на жената и помагала медицинска сестра вработена во локалната Брза помош, која исто така, останала заглавена на патот.

Болохан соопшти дека мајката и бебето се добро и дека набрзо по породувањето биле префрлени во болницата во Јаши.

Делови на Романија деновиве се зафатени од вистински зимски услови при што температурата во некои реони се спушти и до минус два степени. 


The content of this field is kept private and will not be shown publicly.
Image CAPTCHA
Enter the characters shown in the image.