Шатори пред Собранието

19.06.2017 | 18:45
Прочитано: 8920
Неговото дете има само осум години и боледува од церебрална парализа. Го гледа секој ден како венее пред неговите очи а е беспомошен.
 
Прашањата „Што ќе се случи со моето дете кога мене ќе нема“, „кој ќе се грижи за него“ –  секојдневно го мачат Горан Стојчески кој е еден од родителите кои бараат институционална помош за решавање на нивниот проблем. А проблеми, вели, има многу. 
 
„Кога тој ќе треба да се осамостои, кој би му помогнал  до каде би отишле додека јас му помагам“, изјави Горан Стојчески, родител на дете со посебни потреби.
 
Неговото дете посетува редовна настава. И покрај болеста за која му е потребно посебно време и грижа, добро му оди на училиште. Пристап до училиште и до институциите нема па често Горан морал на раце да го носи својот син. 
 
„Лифтот не работи, друг нема и како јас да го однесам детето на трети спрат и ми велат на раце да го носам. Јас им кажува дека сега кога има 5-6 години можам да го носам, а што после на 20 години?“, изјави Горан Стојчески.
 
Горан заедно со родителите на децата со посебни потреби денеска дојде да постави шатор пред Собранието со надеж дека на тој начин нивните барања ќе бидат чуени од надлежните. 
 
„Да се избрише границата од 26 години како од законот за тру и социјална политика, така и од законот за здравство. При првото ревидирање на буџетот, да се изедначат самохраните родители со згрижувачките и народен правобранител за лице со посебни потреби“, изјави Сузана Стојановска – Граѓанска иницијатива „5 до 12“.
 
Веќе три месеци симболично во пет до 12 доаѓаат пред Собранието со надеж дека најповиканите -политичарите, ќе ги слушнат нивните барања и реални проблеми кои секојдневно ги живеат и преживуваат со своите деца. 

Ивана Стојкова
The content of this field is kept private and will not be shown publicly.
Image CAPTCHA
Enter the characters shown in the image.