Вучиќ: Србија нема веќе да биде „вреќа за удирање“

05.09.2017 | 11:03
Прочитано: 2514

Ние имаме добри односи со Македонија, со македонскиот народ и немам ништо против политиката на Македонија, изјави синоќа претседателот на Србија, Александар Вучиќ за телевизија „Хепи“, коментирајќи го неодамнешното повлекување на целиот персонал од Амбасадата на Србија во Скопје.

Вучиќ истакна дека го почитува македонскиот премиер Зоран Заев и оти немам проблем со тоа што се сретнал со Драган Шутановиќ.

- Мене ме интересира каква ќе биде нивната политика кон Србија и важно ни е каков ќе биде нивниот став по повод УНЕСКО, по повод некои други прашања кои се важни за Србија, На тоа ќе градиме реципрочни, искрени и добри односи со Македонија, но нема повеќе на кого било да му бидеме вреќа за удирање, а ниту да кренеме раце, истакна Вучиќ.

Тој во телевизиското интервју се осврна и околу шпекулациите за ангажирање на САД во дијалогот Белград - Приштина.

- Ние прифативме дијалогот меѓу Белград и Приштина да се води во Брисел, а може да се води каде било под патронат на Брисел и тоа е во ред, но ако се уфрлуваат некои други играчи, тогаш дајте да разговараме за тоа кој уште треба да влезе, посочи Вучиќ.


The content of this field is kept private and will not be shown publicly.
Image CAPTCHA
Enter the characters shown in the image.